நேர்மைக் கலாசாரம் - கிளீன் சிறிலங்கா

"நேர்மைக் கலாசாரம் - கிளீன் சிறிலங்கா" தேசிய நேர்மை வாரம் 2026

ஊழலற்ற, வினைத்திறனான மற்றும் வெளிப்படைத்தன்மை கொண்ட அரச நிர்வாகக் கட்டமைப்பை கட்டியெழுப்பும் நோக்குடன், "நேர்மைக் கலாசாரம் - கிளீன் சிறிலங்கா" தேசிய நேர்மை வாரம் (2026 ஜூலை 27 - ஜூலை 31) நாடளாவிய ரீதியில் அனுஷ்டிக்கப்பட்டு வருகிறது.

தனிப்பட்ட நன்மைகளைக் கருதாது பொதுமக்களின் நலனுக்கு எப்போதும் முன்னுரிமை வழங்கி, நெறிமுறை விழுமியங்கள் மற்றும் கொள்கை ரீதியான தரங்களுடன் ஒன்றிணைந்து, யாரும் பார்க்காதபோதும், எந்தவொருமேற்பார்வையும் இல்லாதபோதும், தனக்குத்தானே சுய கட்டுப்பாட்டுடன் மேற்கொள்ளும் சரியான மற்றும் தார்மீகச் செயற்பாடுகளின் ஊடாக, கனிவான சேவையை வழங்கும் நேர்மையான அரச உத்தியோகத்தரை உருவாக்குவதற்குத் தேவையான பின்னணியை வழங்குவதே இதன் முக்கிய நோக்கமாகும்.

இதன் முதற்கட்டமாக, ஏறாவூர் நகர பிரதேச செயலக உத்தியோகத்தர்கள் அனைவரும் ஒன்றாக இணைந்து தேசிய நேர்மை சத்தியப்பிரமாணத்தை (உறுதிமொழி) 2026 ஜூலை 27 அன்று காலை பிரதேச செயலக வளாகத்தில் உறுதிபூண்டனர்.

அரச உத்தியோகத்தர்களிடையே சுய கட்டுப்பாடு, தார்மீகப் பொறுப்பு மற்றும் உயர் நெறிமுறை விழுமியங்களை பேணி, மக்களுக்கு சிறந்த சேவை வழங்குவதை நோக்கமாகக் கொண்டு இந்நிகழ்வு நடைபெற்றது.

"நேர்மையான அரச சேவை - சிறந்த நாளைக்கான அடித்தளம்!"

பிரதேச மட்ட விளையாட்டு விழா - 2026

பிரதேச மட்ட விளையாட்டு விழா - 2026 - பிரதேச மட்ட உதைபந்தாட்டம்: YSSC கழகம் சாம்பியன் பட்டம் வென்று சாதனை!

ஏறாவூர்: ஏறாவூர் நகர பிரதேச செயலகத்தில் பதிவு செய்யப்பட்ட விளையாட்டு கழகங்களுக்கு இடையிலான "பிரதேச மட்ட விளையாட்டு விழா - 2026" இன் முக்கிய அங்கமான உதைபந்தாட்டப் போட்டி அண்மையில் மிகவும் விறுவிறுப்பாக நடைபெற்றது. இப்போட்டியில் சிறப்பான ஆட்டத்தை வெளிப்படுத்திய ஏறாவூர் YSSC விளையாட்டு கழகம் சாம்பியன் (Champion) பட்டத்தைச் சூடி சாதனை படைத்துள்ளது.

ஏறாவூர் நகர பிரதேச செயலாளர் அவர்களின் தலைமையில், உதவிப் பிரதேச செயலாளரின் வழிகாட்டலுடனும், பிரதேச செயலக உத்தியோகத்தர்களின் முழுமையான பங்களிப்புடனும் இச்சுற்றுப்போட்டி ஏறாவூர் அலிகார் விளையாட்டு மைதானத்தில் மிக விமர்சையாக நடத்தப்பட்டது.

விறுவிறுப்பான இறுதிப் போட்டி:

இறுதிப் போட்டியில் வட்டாரத்தின் பலம் வாய்ந்த இரு அணிகளான ஏறாவூர் YSSC மற்றும் ஏறாவூர் FC ஆகிய விளையாட்டு கழகங்கள் மோதிக்கொண்டன. ஆரம்பம் முதலே இரு அணிகளும் சமபலத்துடன் அதிரடி ஆட்டத்தை வெளிப்படுத்தின.

போட்டியின் திருப்புமுனையாக, எதிரணியின் பலத்த தடுப்பாட்டங்களை முறியடித்து ஏறாவூர் YSSC அணி கோலினை (Goal) அடித்து அசத்தியது. இறுதிவரை இந்த முன்னிலையை தக்கவைத்த YSSC கழகம், 1-0 என்ற கோல் கணக்கில் வெற்றி பெற்று சாம்பியன் கோப்பையைத் தன்வசப்படுத்தியது.

வெற்றி பெற்ற சாம்பியன் அணி வீரர்களுக்கும், இத்தொடரை மிகச் சிறப்பாக ஏற்பாடு செய்த ஏறாவூர் நகர பிரதேச செயலக உத்தியோகத்தர்களுக்கும் சமூக ஆர்வலர்களும் விளையாட்டு ரசிகர்களும் தங்களது வாழ்த்துகளையும் பாராட்டுக்களையும் தெரிவித்தனர்.

வாரத்திற்கு ஒரு முறை அயன் செய்வோம் !

வாரத்திற்கு ஒரு முறை அயன் செய்வோம் - மின்சாரத்தையும் பணத்தையும் மிச்சப்படுத்துவோம்!

🔌💰வீணாகும் மின்சாரத்தைக் குறைத்து, நாட்டின் எதிர்காலத்திற்காக ஒன்றிணைவோம்.✨

සතියකට සැරයක් අයන් කරමු - විදුලියත් මුදලත් දෙකම ඉතිරි කරමු! 🔌💰